夾縫追「軸」生活 玩搖搖心逍遙

一條細小的繩索、一枚金屬輪盤，在指尖飛舞旋轉。200呎的劏房內，27歲的陳奧文（Sora）戴上指套，專注練習每一個動作，搖搖因此在光影間畫出節奏，也慢慢撐起他的人生。八年來，他靠着皮革師、外賣員、樂器導師等多份兼職維生，空檔時間就練習搖搖，希望有朝一日能踏上世界搖搖大賽的舞台。

呢 幾 年係黃金時間，所以我畀自己set咗個deadline，30歲前一定要入到比賽決賽。

不是童年玩物 兩年前着迷後參賽奪冠

搖搖，由綁上繩的軸心連兩片球體所組成，對不少人而言是童年玩物；對Sora而言，卻是一段遲來的探索。他記得，小時候曾在街頭扭蛋機中得到第一個搖搖，「睇圖學都學唔識」。

直到兩年前，一位即將移民的好友開班傳授搖搖技藝，他抱着試玩的心態參加，結果一試便着迷。「原本只係想學吓，冇諗過會攞獎。」他笑說。一年後首次參加比賽，竟在「2023世界搖搖大賽香港區選拔賽」勇奪新星組冠軍。

「炒散王」沉醉於搖搖的學無止境。

//有節奏、有感染力，就會覺得好睇。//

「我覺得搖搖特別嘅地方，就係可以配合身體動作，加埋條繩，玩起上嚟更有延伸性。」他解釋：「再加埋音樂，即使觀眾唔係太明白每個技術動作，但有節奏、有感染力，就會覺得好睇。」

Sora說，搖搖配合身體動作同條繩，玩起上嚟特別有延伸感。

最吸引人之處 在於它的「冇盡頭」

對他而言，搖搖從來不只是玩具。「你以為香港好多人玩搖搖？其實唔係。一年得一、兩場比賽，玩得深入嘅人好少，大部分選手都比我後生，十七八歲左右。」但他並不覺得自己落後，反而認為搖搖最吸引人的地方，在於它「冇盡頭」——永遠有新技可練、有新動作可以創造。

//練緊要翹出三角形嘅招式，唔算最難，但試咗好多次先做到。//

Sora的夢想，是在30歲前踏上世界搖搖大賽的舞台。「如果而家唔追搖搖，到七老八十就追唔到。呢幾年係黃金時間，所以我畀自己set咗個deadline，30歲前一定要入到比賽決賽。」他沒有為自己刻意制定訓練表，但每當學會新招式，總會思考如何砌入freestyle表演中，不斷改良、實驗、打磨。

「最近練緊一個要撬出三角形嘅招式，唔算最難，但手勢、角度全部都要啱，試咗好多次先做到。」他面露一點滿足地說。

//全職只係用一份工作塞滿你嘅時間；我用好多份工作塞滿自己，反而自由啲。//

逆境中示範 另一種生活可能

他的堅持與動力並非無來由。童年對Sora並不溫柔。親生父親在他年幼時入獄，繼父後來亦自殺身亡，家庭經濟一夜崩塌。「嗰段時間成日鬧交，甚至搬去青年宿舍。」他回憶。中四開始，家人停止提供零用錢，他只能靠自己謀生。由麥當勞收銀到博覽館做臨時工，他把青春換成現金。DSE僅得數分，本想半工讀重返校園，但捱不住開支，最終放棄升學。

手工藝都難唔到佢，最近仲試吓剪教學片。

高峰期同時做八份兼職

高中畢業後，他索性全職「炒散」，高峰期同時兼做八份工作：製作皮革、教授搖搖、教樂器、送外賣、拍片、燒肉店員、咖啡師、臨時「戲子」等。「做slasher如果時間排得唔密，根本唔夠食。」他形容：「全職只係用一份工作塞滿你嘅時間；我用好多份工作塞滿自己，反而自由啲。」

現時，Sora除了拍攝教學影片、設計搖搖比賽套路，亦會走進社區，在「社區客廳」及不同中小學教學。逆境中，他靠「斜槓」為自己闖出一條路，也為同樣在夾縫中喘息的年輕人示範另一種生活可能。

//做slasher如果時間排得唔密，根本唔夠食。//

每次練出新招，那份滿足感難以形容。

【摸索表演風格 由動漫歌開始】

為了讓演出更具觀賞性，Sora與一班搖搖同好經常花時間構思，如何將每一個轉動與招式自然融入音樂之中。他笑言：「香港玩劍球嗰班人都會問我哋，點解大家都係播歌，搖搖會特別吸引？我諗係因為搖搖表演者真係要花心思諗編排，點樣入拍子，令成個演出更完整、更投入。」

談到音樂風格，熱愛VTuber（虛擬YouTuber）文化的Sora坦言，自己一開始最鍾意揀動漫歌，後來慢慢開始嘗試其他型格的歌曲，希望摸索出屬於自己的表演風格。

//玩劍球嗰班人都會問我哋，點解大家都係播歌，搖搖會特別吸引？//

因為鍾意香港 VTuber 米亞／MYA，Sora認識咗一班志同道合嘅朋友。

除咗搖搖，Sora 都好鍾意夾 band 玩音樂。