(沙田)玩App學中文 快樂Tone往未來之路

根據2021年人口普查，香港約有619,568名非華裔人士，佔總人口約8.4%，其中主要包括南亞裔人士，如印度、巴基斯坦、尼泊爾、菲律賓、印尼等。這些少數族裔群體在教育、就業和社會參與等方面仍面臨不少挑戰和障礙。語言障礙是他們融入社會的主要障礙之一。為了協助這些群體克服語言障礙，社會企業CanTone應運而生。

我哋希望可以幫佢哋將學習中文變得開心啲、輕鬆啲。 —CanTone團隊

//當時我就希望設計一個方法，令佢哋喺輕鬆、有趣又貼地的環境下學廣東話。—Janice//

「其實好多非華語小朋友學中文的資源真係好少，令到佢哋覺得學中文好痛苦。我哋希望可以幫佢哋將學習變得開心啲、輕鬆啲。」CanTone聯合創辦人Janice說。曾任職非華語生的中文老師，Janice體會到：「我發現少數族裔學生對學廣東話感到好抗拒，覺得辛苦無趣，學完都唔知點用。當時我就希望設計一個方法，令佢哋喺輕鬆、有趣又貼地的環境下學廣東話。」

這個念頭，成為日後創辦CanTone的起點。2023年，Janice與來自教育科技界的Wilson共同創辦CanTone，一間以創新科技推動語言學習、促進社區共融的社會企業。憑着早年在理工大學好薈社種子基金計劃中脫穎而出，CanTone獲得社會創新及創業發展基金（社創基金）資助，正式起步。

學廣東話並了解清真月餅製作，促進跨文化理解。

//語言唔止係溝通工具，更係一條橋，連結你同社區嘅每一部分。—Wilson//

Wilson本身從事科技教學多年，曾與多所大學合作研發教學遊戲與應用程式。當他開始接觸非華語學童的教育需要時，便意識到：「語言唔單止係溝通工具，更係一條橋，連結你同社區嘅每一部分。」Wilson說。

CanTone開發的第一代應用程式主打AI詞彙學習功能（註：現已踏入第二代「CanTone AI陪我講」，當中加入模擬生活情境對話），透過圖像、翻譯及廣東話語音練習，幫助少數族裔學生掌握生活常用字詞。App支援多種語言介面，包括巴基斯坦語、尼泊爾語及英文。Janice稱，團隊已與全港多間NGO合作舉辦語言學習活動，例如中文工作坊、環保教育主題班等。

使用CanTone App，在模擬生活場景中活用廣東話。

//我哋會將學習內容同生活扣連，唔係淨係講字。—Janice//

Janice強調：「我哋會將學習內容同生活扣連，例如教回收分類，我哋唔係淨係講字，仲會帶佢哋做手工、玩遊戲，用廣東話講出自己嘅意思。」Janice亦曾在中秋節活動中引入「清真奶黃月餅」，幫助學生理解節日文化與宗教習俗如何並存。

非華語語言大使在社區中心協助教學。

【唔止詞彙 語境先係關鍵】

「你可以講一句，AI即時評分，仲會重複教你點講得更自然。」Wilson表示，這種互動式學習模式尤其適合缺乏語言環境的用戶，讓他們即使在家中都能模擬與人對話。此外，CanTone亦鼓勵少數族裔大專生擔任「語言大使」，參與App推廣與教學活動。「有啲學生廣東話好叻，我哋會畀佢哋試教，亦希望佢哋可以成為佢哋社區入面嘅榜樣。」Janice說。

「語境先係關鍵，唔係話學校教完就得，返到屋企冇人講，就會好快唔記得。」Janice語重心長地說。對CanTone而言，語言學習從來不止於學好幾個詞彙或句式，而是打開通往社區、教育、就業、文化認同的大門。

一同為推廣快樂學廣東話而努力。