(大埔北區)開心少女組 創科點子點止點字？

對康惠琳、盧芊羽、黃佩瑤和楊語謠來說，創科不止是學校課堂上的知識，而是一場從關心社區出發的實驗。這四位來自香港道教聯合會鄧顯紀念中學的中三女生，憑着一個關注視障人士需要的點子，設計出一款名為「點『智』輸入法」的便攜式點字裝置，在「第四屆香港創科展」獲初中組銀獎。

（製作點字鍵盤後）想繼續幫一啲有需要嘅人，例如聽障人士。 ——點智輸入法4女生

Micro:bit鍵盤藍牙接手機 靈感源盲人芒上難打字

「我哋一開始睇到創科展希望可以幫到人，就諗到不如唔好再針對健全人士，而係為一啲少數、但有實際需要嘅人出一分力。」盧芊羽說。她們的靈感來自視障人士使用手機時的困難——觸控屏幕上無法觸摸到實體按鍵，令輸入點字變得困難。於是，團隊想到製作一個實體點字鍵盤，讓使用者能「摸得着」，更容易輸入文字。

她們利用Micro:bit（按：微型電腦開發板）作為鍵盤主體，透過藍牙連接手機，搭配簡單的自動化工具完成輸入。整個過程既便攜又具成本效益，是她們考慮過視障用家的經濟負擔後的選擇。

視障者在觸控屏幕上輸入點字見困難。

//一開始未唔了解視障人士日常生活，要花好多時間做research。//

要將構思變成實物，過程一點也不簡單。她們一邊自學AppInventor編程，一邊研究點字邏輯與輸入法設計；同時還要學懂操作3D打印機，製作合適尺寸的實體按鍵。「第一次打印出嚟，尺寸唔啱，支撐架好難剝落。我哋試咗好多次，有時仲刮損咗手，但從來無諗過放棄。」黃佩瑤說。她分享遇上程式錯誤時，也要不斷debug、查資料，「最後搞掂嗰刻，真係好有滿足感。」

除了技術挑戰，更重要的是理解真正用家的需要。康惠琳坦言：「我一開始唔了解視障人士日常生活，要花好多時間睇資料、睇片、做research。原來佢哋平均收入唔高，所以我哋都希望做一個低成本、實用嘅產品。」她們甚至聯絡到視障人士進行訪問，從中調整設計，例如加入語音提示、放大字體等功能。

點字裝置以Micro:bit為鍵盤主體。

計劃令裝置更薄更細 望社區中心院舍採用

「我哋都諗過，將來可以升級裝置，做得更薄、更細，方便攜帶出街。」楊語謠補充。她們希望產品日後能應用於社區中心或盲人院舍，真正幫助到更多人。談到未來方向，幾位同學亦不約而同表示：「都會想繼續幫一啲有需要嘅人，例如聽障人士，睇吓可唔可以幫佢哋溝通得更方便。」

3D打印製作合適尺寸實體按鍵。

【發明之旅 懂換位思考團隊合作】

這份對弱勢社群的關注，來自她們日常對社區的觀察。「我哋學校喺上水，返學放學經過都見到盲人徑畀單車、雜物阻住。佢哋出行真係好唔方便。我哋未必即時幫到，但希望用創科搵到改善方法。」盧芊羽說。

這趟創科旅程，讓四位學生不止學到技術，更學懂換位思考與團隊合作，從一個念頭走到實踐，甚至可能改變別人生活。而她們的導師鄭穎雯老師這樣說：「學生而家學得快，唔一定要我哋教晒每一步，反而要俾空間佢哋試。今次佢哋嘅表現，真係連我哋都估唔到，反而係我哋向佢哋學習。」

這四名女生在「香港創科展」獲初中組銀獎。