(沙田)女生迷失中求變 攝影師義捕光影 為人填補遺憾

「其實影相而家係人都可以做到，手機都得。但攝影背後最重要嘅，係溝通同理解。」Tim說這句話的時候，語氣很平實，卻帶着攝影師十年來對工作的體會。對他而言，攝影並不止是捕捉光影，而是建立信任、留下回憶的過程。

等我幫老人家補番張結婚相，好似完成咗人生一件重要嘅事，對我嚟講滿足感好大。—Tim

//（義工服務）每年至少會同唔同機構合作。//

Tim經營自己的攝影工作室快十年，主要工作是拍攝電台節目和商業項目，但他從來沒有把自己局限於「賺錢」的範疇。早在公司成立初期，他就帶領同事參與義工服務，「每年至少會同唔同機構合作，例如幫殘疾人士家庭影全家福，或者為老人家補影婚紗相。」

他笑說這些經驗令他明白，攝影並非只是工作，而是一種能夠服務人的工具。「有啲老人家話，結婚嗰陣時只係簽張紙，完全冇影過相。我幫佢哋補番，好似完成咗人生一件重要嘅事，對我嚟講滿足感好大。」

成長經歷讓他富有同理心。

//當對方笑起上嚟，嗰一刻就係最真嘅。//

家住馬鞍山的Tim，與該區的髮型屋老闆本來就相識多年，那天他到新店剪髮，聽到對方提起將舉辦義剪活動，他立刻提出：「不如我攞相機幫你哋影下相啦！」從此，每次義剪日，他都會準備好器材，為長者記錄當下的笑容。「本來係嚟剪頭髮，點知變咗影相。嗰日見到好多老人家剪完頭髮後，企喺鏡頭前面，靚仔靚女咁留低一張相，我自己都覺得幾開心。」

有時候並非人人願意面對鏡頭。Tim分享道：「有啲公公婆婆一開始好抗拒，覺得影相冇意思。呢個時候攝影師嘅態度好緊要，你要先笑，先令到佢哋放鬆。」他甚至會講笑話、同對方聊天，慢慢打破隔膜，「當對方笑起上嚟，嗰一刻就係最真嘅。」

一張即影即有相，成為珍而重之的回憶。

//出面好多公司未必願意同智障或者行動不便嘅小朋友影相，驚唔識溝通。//

Tim對殘疾人士和特殊需要家庭有特別的耐性，原因來自家庭。「我細佬都有特殊教育需要，細個時候屋企人一齊學點樣去照顧佢。嗰個過程令我更加明白佢哋嘅感受。」

也因為這段經歷，他在攝影義工工作中更能與服務對象建立連結。「其實出面好多公司未必願意同智障或者行動不便嘅小朋友影相，驚唔識溝通。但對我嚟講，呢啲只係需要多啲耐性。」

Tim曾經遇過一位家長，感激地告訴他：「好多謝你，因為出面真係冇乜人肯幫我哋影全家福。」這些簡單的回饋，對他來說已經足夠。

「想人笑，你自己要先笑。」Tim用態度打破鏡頭前的隔膜。

【分享心得】

攝影關鍵在互動

「攝影唔單係技術，重點係溝通。」Tim強調，好的照片並不止是曝光準確、角度完美，而是能否令被攝者放下戒心，展現真實的自己。「譬如有啲人可能覺得影相可有可無，但當你同佢講明，呢一輯相係幫佢留低一份開心嘅回憶，佢就會願意投入。」

Tim認為，這種互動往往比成果更重要，「因為攝影嘅過程，本身就係建立信任嘅過程。」Tim多次形容自己只是在付出「小小力量」。「對我嚟講，可能只係一張相；但對長者嚟講，可能係第一張全家福，可能係多年來唯一一次笑住留低嘅樣。咁已經足夠。」

齊齊做義工服務社區，一樂也。