(沙田)開車有智能噴氣 打醒十二「薰」精神

「我自己係揸車人士，曾經試過因為疲勞駕駛撞車，整個車頭報銷。我第一時間唔係諗自己有冇事，而係驚覺『瞌眼瞓』真係可以害死人！」他是來自香港專業教育學院（沙田）的余浩堃（Marcus），在這9月升讀香港大學電腦工程系。這件事啟發他和同學研發出智能車載香薰系統「Scentsafe」，希望幫助駕駛者保持清醒，避免疲勞駕駛的風險。

當系統偵測到你攰時，佢會自動噴出提神香薰。 —Marcus

//我識研發香薰，係因為中學讀過化學。//

包括Marcus在內，Scentsafe團隊共有9人，每個成員都負責不同的崗位：有人負責硬件開發，有人專注於軟件，還有成員專注於香薰的研究。由於大多數隊員也是同系同學，知識範圍相對單一。「你唔會見到business學生、design學生或者science學生一齊研發……我識研發香薰，係因為中學讀過化學；識business，係因為爸爸媽媽做生意……」Marcus說。

無論發展到幾多代，初代系統在心中佔重要位置。

AI評估駕駛者疲勞程度

除了常見的薄荷、檸檬、鼠尾草等提神香味外，這款裝置還具備人面識別功能，能捕捉駕駛者的面部特徵，並利用AI技術分析眨眼和打呵欠等表情，來評估駕駛者的疲勞程度。「當系統偵測到你攰時，佢會自動噴出提神香薰，並根據你嘅疲勞狀況調整香味嘅濃度，幫你保持清醒。」Marcus解釋。這款裝置，更在《點創比賽》中奪得「香港科技園科技企業家銅獎」。

ScentSafe結合AI與香薰技術，讓駕駛者保持清醒。

//安全唔應該只係有錢人嘅專利，我哋需要研發適合更多人用嘅方案。//

目前，部分汽車品牌已經提供類似叫醒司機的功能，例如Tesla的自動駕駛停止、福士的路邊停車提醒，以及小米安全帶的震動與香味提示；但這些大多只適用於新車。Marcus認為：「安全唔應該只係有錢人嘅專利，我哋需要研發適合更多人用嘅方案。不論係新車定舊車，每個人都應該享有相同嘅安全保障。」

與的士行物流企做測試

在研發過程中，Marcus和團隊親自走到的士站，邀請司機試用這款裝置，這份「落地」精神讓他聽到了不少真實的聲音。過程中，他回憶起一位司機的話：「我試過係大埔公路瞌着咗，完全靠記憶開車，好危險！但係無辦法，因為要養家。」這句話一直深深印在Marcus心裡。

疲勞駕駛不僅困擾的士司機，物流司機同樣面對相同挑戰。基於這些痛點，ScentSafe目前與數間的士車行及物流公司進行測試，並與保險公司洽談合作，希望能在多方面減低駕駛風險。

裝置可捕捉駕駛者面部特徵，藉AI分析打呵欠等表情，評估駕駛者疲勞程度。

【感嘆港生缺實踐舞台 望社會提供更多機會】

Marcus的創業動力，是來自家中最貼身的榜樣：他的父母。「佢哋本身就係做生意，從來唔係單純畀錢支持，而係用行動去以身作則。疫情之後，佢哋親自嘗試企業轉型，畀我睇到原來去到呢個年紀，都仲可以重新出發。」他說。

父母白手興家，經營手機批發生意，令Marcus思維更靈活。他相信「上一代有經驗，新一代有知識，如果能夠結合，就可以走得更遠」。他亦感嘆香港學生並非沒有夢想，只是缺乏實踐的舞台，故希望社會能提供更多機會，讓年輕人嘗試。

學生創業團隊，將校園知識轉化至實際應用。