(荃灣葵青離島)聆聽生命故事 感情「字」然流露

在電子支付盛行、連鎖店遍地開花的年代，一間舊式士多承載的，從來不只是一件件貨品，更是一整個社區的人情與記憶。東涌保良局馬錦明夫人章馥仙中學中六學生陳啟智，透過細聽爺爺嫲嫲經營士多的往事，寫成《成長路上的順與逆》篇章。

長者回憶係香港文化上嘅一個歷史，呢個歷史要由我哋新一代去記載。 ──陳啟智

//我發現上一輩嘅人其實好想同我哋呢啲新一輩嘅後生仔傾偈。//

啟智的創作靈感，始於一次看似平常的家庭聚會。「當時新年嘅時候，爸爸同爺爺傾緊偈，講緊關於士多嘅嘢，我就被吸引了去聽。」他從而得知爺爺與嫲嫲年輕時曾合力經營一間士多，後因身體原因無奈結業。文章奪得香港賽馬會社區資助計劃「美荷樓香港精神學習計劃」2024至25年度「兩代情」徵文比賽高中組冠軍。

在深入的交流中，爺爺嫲嫲道出許多與街坊互動的溫馨細節：例如請熟客臨時幫忙看舖，或在鄰里有需要時送上小小禮物與幫助。「我發現上一輩嘅人其實好想同我哋呢啲新一輩嘅後生仔傾偈，但係基於可能冇咩共同話題去打開，有代溝所以機會唔多。」這令他意識到，年輕一代更應主動創造對話，聆聽那些生命故事。

啟智獲徵文比賽高中組冠軍。

//呢種信任、同埋鄰里之間嘅守望相助嘅精神，係非常之難得。//

啟智起初眼中的長輩是「好傳統嘅人」，是那種會關心孫兒學業、叮囑保重身體的典型形象。然而，深入交流後，他看見了長輩更立體的一面。「我發現佢哋好有自己嘅興趣同熱誠……佢哋有自己嘅故事、生活、自己鍾意做嘅嘢，呢樣係我之前唔知道嘅。」這個發現讓他明白，每位長輩都曾年輕，都擁有獨特而豐富的人生歷程，等待被晚輩看見與理解。

最令啟智震撼的是一個關於「信任」的小事。有一次嫲嫲在家中身體不適，當時獨自在士多忙碌的爺爺，情急之下拜託一位前來光顧的街坊暫時看管店舖，自己則飛奔回家照料妻子。「我係覺得好震撼嘅，因為有呢種信任、同埋鄰里之間嘅守望相助嘅精神，係非常之難得。」

透過深度訪談、觀察，思考人與人之間的感情、人在大自然中如何自處。

//如果唔去好好了解，就會無聲無息咁消逝，實在好可惜。//

這種建立在深厚社區關係上的無條件信任，讓他感受到舊日社區緊密連結的力量。「依家呢個年代科技非常之發達，好多手機電話、電子支付等等，呢啲嘢都係上一輩冇嘅，佢哋會唔習慣，咁樣就會造成一種隔閡。」

「因為我覺得佢哋係一個歷史，係香港文化上嘅一個歷史，而呢個歷史要由我哋新一代去記載。」他深刻指出，那些看似瑣碎的日常生活點滴，構成了真實的文化傳統，卻也最容易隨時間無聲消逝。「如果我哋唔去好好了解，咁佢哋就會無聲無息咁消逝，呢個係一個好可惜。」他認為，年輕人有責任成為這些微觀歷史的記錄者。

【文青有Say】

望寫屋邨保安巡邏見聞

訪談經歷讓他發現社會上有許多「隱形英雄」。「我哋只會留意發生自己身上面嘅事，但好少會留意『係喎，今日條街特別乾淨』。」

啟智鼓勵同代人在繁忙的學業生活中，不妨偶爾放下手機，多留意周遭，便能發現這些默默付出的人。未來若有機會，他希望記錄屋邨保安的故事。「我留意到佢哋經常喺屋邨裏面巡邏，一定係經歷過好多人同事。」他對這些守護社區日常安全的人物背後的故事充滿興趣。