(沙田)校園's Got Talent 動起來自信隨來

去年中秋節當晚，馬鞍山靈糧小學近2,500名師生同家長齊齊返校園賞月，但台上表演的，不是學生，而是平日教書的老師——有人唱歌，有人耍武術，氣氛熱鬧又溫馨。

讓小朋友認識自己，建立自信。 —陳志斌

//我哋唔係為玩而玩，而係希望小朋友喺活動中學習。//

這種「老師做主角、學生做觀眾」的安排，其實正正反映校長陳志斌心中一個很重要的理念：「學校唔只係讀書嘅地方，而係一個有凝聚力、有歸屬感嘅大家庭。」

陳校長去年加入學校，最深刻的感受，是這裡有一班「好有心、好願意付出」的老師。翻開學校月曆，幾乎每個月都有不同活動：海洋公園體驗、跨學科學習周、晨跑、校外旅行，甚至安排交流團到温州、北京、南京。「我哋唔係為玩而玩，而係希望小朋友喺活動中學習。」他說。每一個活動，老師都會花心思設計，將課堂內容融入其中，讓學生明白，學習其實可以發生在不同地方。

中秋節當晚，台上演出，台下投入。

//最重要係，每個學生都有機會參與。//

談到中秋晚會，陳校長印象特別深刻。「當晚好多家庭一齊返嚟，有老師帶住三代同堂參與，大家一齊慶祝，好似一個真正嘅大家庭。」他笑說，這種由老師主動去「娛樂」學生同家長的安排，正是學校最特別之處——「唔係做一個活動，而係建立關係。」

至於月前舉辦的「精彩展藝教育」開放日，對陳校長來說，不只是表演或技能展示。「我更希望係一個過程，讓小朋友認識自己，建立自信。」學校現時設有61項課外活動，涵蓋音樂、體育、藝術、科技等範疇，讓學生有機會嘗試不同方向。

「最重要係，每個學生都有機會參與。」他舉例，有些學生口才好，就鼓勵他們做司儀；有些對運動有興趣，就可以在校隊發展。「唔係淨係睇成績，而係睇佢有咩潛能。」

展藝開放日，學生都有發揮機會。

//而家世界變得好快，單一學習已經唔夠。//

為了讓學生有更多空間探索，學校更將星期五下午設為「展藝時間」，全校一齊參與不同體驗活動。「我唔想學生日日坐喺課室等放學，我想佢哋有機會試多啲，搵到自己鍾意嘅嘢。」

在這種多元學習背後，陳校長提到學校一個核心方向——「望．展多元」。「而家世界變得好快，單一學習已經唔夠。我希望小朋友學識適應、學識自己學習。」

除了課程設計，學校亦投放資源提升學習環境。今年更撥款約160萬元，在全校31班課室加設兩部智能電視，有機會成為馬鞍山首間「雙Smart TV」小學，提升課堂互動。

【倡「3高1低」 讓學生平衡中學習】

談到教育理念，他用「3高1低」來形容——高關愛、高質量、高期望，以及「低催谷」。他坦言：「我唔想學生喺壓力下成長，而係希望佢哋喺平衡中學習。」

訪問最後，他送給學生一句說話：「你嘅成功，唔係睇你幾早跑得快，而係你點樣一路走。」

在他眼中，教育不在於起跑線，而是在於過程。「有啲人會轉跑道，有啲人會發現自己鍾意藝術或者其他方向，最重要係搵到自己。」在這個校園裡，孩子不只是學習知識，更在慢慢認識自己、建立自信，走出屬於自己的路。

談及教育理念，他不希望學生在壓力下成長。