(屯門元朗)冷的餐桌視角 人哋仔女變人哋父母

元朗劇院和安興街球場之間，有一條寬闊的行人路。若不特意查找，或許未必有人留意過它的名字——朗藝徑。就在這條路上，有一間開了近二十年的泰國餐廳「薄荷葉」。多年來，這間小店見證一批又一批學生與街坊的成長——有人由放學後的一頓飯開始，之後再帶着家人回來，在同一張餐桌，坐進不同的人生階段。

我係潮州人，已經係第三代喺元朗。—Toby

//（憶述小時候）打開門口就係隔離屋，大家都識，鄰里之間好團結、好齊心。//

餐廳位處多間中學和屋苑附近，多年來自然成為學生與街坊的聚腳地。午市時分，學生三五成群來吃飯；入夜之後，也有一家大小坐下來用餐、聊天，逐漸成為店內最日常的風景。「好多學生讀書嘅時候喺度食，一路睇住佢哋長大，有啲仲結埋婚生埋仔，真係百感交集……」店主Toby Shea說，「有啲客由細食到大，之後搞生日會、結婚party，都會返嚟。」

對Toby而言，這種人與人之間的連結，來自他在元朗長大的經歷。「我係潮州人，已經係第三代喺元朗。」他說。戰後不少潮州人遷入元朗，主要聚居於雞地一帶，即現時西鐵（屯馬線）元朗站東南面。他自小在圍村長大，「打開門口就係隔離屋，大家都識，鄰里之間好團結、好齊心。」由細到大見着彼此生活，很多關係毋須刻意維繫，亦成為他最珍惜的部分。

餐廳由泰籍廚師主理，味道保持地道。

//食材由農田直接用到餐廳，自己種自己用，新鮮啲。//

這份屬於元朗的人情味，也留在他經營的餐廳裏。2007年，Toby決定開店，同時在自家農田種植泰式香料。「啲香料自己種，香茅、薄荷、檸檬葉都有。」農田其後逐漸擴展，亦種植各類蔬菜和水果。「食材由農田直接用到餐廳，自己種自己用，新鮮啲。」

近幾個月，餐廳開始加入現場音樂。「有朋友介紹，話有啲後生仔想搵地方試下聲，我就話不如試下啦。」Toby說。最初只得一隊人表演，之後慢慢多了不同組合，也有不少年輕人加入。「而家啲後生仔都想試下，但唔係好多地方俾佢哋玩。對佢哋嚟講，有個地方可以上台，其實幾難得。」有人上台唱歌，有人坐低聽；有街坊行過，也會停低聽兩首先走。聲音沿住朗藝徑散開，也留住了幾分屬於元朗的人情味。

店內裝潢以木質為主，帶點泰國風情，細節多出自Toby之手。

【店主是怎樣煉成的 做裝修運輸儲社會經驗】

「我連泰國都未去，我就開泰國菜。」Toby笑說。他自小接觸做生意，亦做過建築、裝修、運輸等工作，「都係啲辛苦工」。到二十多歲，他開始諗未來，「工字不出頭呀嘛。」同時留意區內食肆，「見到有啲唔算好食，都有人幫襯。」

推薦椒鹽魔鬼魚及咖喱蟹

有一次食飯，他留意到一間泰國菜餐廳，「見到啲嘢食擺得幾靚。」那間店就是「薄荷葉」前身，由一對夫婦在附近經營。之後Toby與對方傾起合作，最終接手這個名字，一路做到今日。餐廳由泰籍員工主理，味道保持地道。「我最推薦椒鹽魔鬼魚，因為好少地方有；咖喱蟹都唔錯。」他說。

做老闆唔容易，樣樣都要親力親為。