(西貢)為學生發掘方向 東南西北都要試

在將軍澳這個多元文化的社區裡，香港道教聯合會圓玄學院第三中學匯聚不同背景的學生，本地與非華語在同一個校園裡一同學習、成長。校長賴俊榮在校任教逾二十年，他說：「我一直相信，每個學生都有自己可以行嘅路，只係要有人願意畀機會佢哋試。」

每個學生都有自己嘅路，只係要有人畀機會佢哋試。 — 賴俊榮

//我唔係想教最叻嘅學生，我反而想睇住一個學生慢慢進步。//

賴俊榮對教育的想像，早在中學時已經萌芽。「有同學問我數學，我試過教完之後，佢考試仲高分過我。嗰刻我唔係唔開心，反而覺得原來幫到人係一件好有滿足感嘅事。」他說。之後在足球隊擔任隊長，與低年級學生相處，「教波之餘又同佢哋好friend，我發現自己唔只係教技術，而係同人建立關係。」這些經歷，讓他逐步確立方向，最終決定投身教育。

進入教育界後，他刻意選擇學生背景較多元的學校。「我唔係想教最叻嘅學生，我反而想睇住一個學生慢慢進步，呢個先係最有滿足感。」在圓玄三中，他逐步建立一套以「發掘方向」為核心的教育理念。「讀書當然重要，但唔可以淨係用成績去定義。有啲學生喺運動，有啲喺表演，只要畀到機會，佢哋自然會發光。」

校長認為，讀書當然重要，但不應只用成績去定義。

//最重要唔係獎牌，而係佢哋建立信心、學會堅持。//

賴俊榮出身基層，卻畢業於傳統名校拔萃男書院。走過不同環境，他更明白，不少學生並非缺乏能力，而是缺乏機會。出任校長後，他著力為學生建立更多發展空間——現時學校設有近50個社團，涵蓋體育、表演與各類興趣活動，讓學生有機會嘗試與探索，也有地方被看見。「佢哋唔係冇能力，只係少咗機會去試，所以學校要做嘅，就係畀機會佢哋試。」他說。

賴校長以賽艇為例。「有啲學生未必喺讀書上最突出，但接觸到賽艇之後，會慢慢投入，甚至變成自己最擅長嘅一樣嘢。」學校引入專業教練，讓學生接受訓練，曾於學界比賽奪得佳績。「最重要唔係獎牌，而係佢哋喺過程入面建立信心，同埋學識堅持。」

在不同的舞台上，學生找到方向，也贏得屬於自己的成績。

【舉辦活動 促進共融無分彼此】

學校另一個特色，是跨文化共融。全校約一半學生為非華語學生，來自十多個國家，在同一個校園裡學習與生活。「一開始其實係挑戰，語言同文化都唔同，如果處理得唔好，好容易各自一班人。」賴俊榮說。學校刻意安排學生一同參與活動，「我哋唔想有『你哋』同『我哋』，而係一齊生活、一齊學習。」多年下來，「而家唔會再分邊個係邊個，全部都係圓玄三中嘅學生。」

談到學生的改變，他想起一位非華語舊生。「佢入學嗰陣中文基礎好弱，連日常溝通都有困難。」學校設計分層中文課程，讓他由基礎一步步學起。「最初連句子都未講得完整，但慢慢開始敢講、敢試，再到後來可以應付課堂。」畢業後，他修讀翻譯課程，最終更回校任教。「當學生見到有人可以做到，就會開始相信，其實自己都可以。」

語言與文化的差異，成為學生彼此學習的起點。