(大埔北區)多互動 多感動 策劃展覽 建設共融校園

「我覺得神經多樣性，好似呢個世界有好多唔同物種咁。」靈糧堂劉梅軒中學學生何庭軒說，每個人都有不同的思考方式、表達方式，也有自己獨特的溝通語言。「唔係每個人都要用同一個方法去諗嘢，世界先會有創意。」

兩個負責同學都留意到，展覽後有些同學的態度慢慢改變。

藉藝術品心聲角打氣牆展示

學校近日舉辦「神經多樣展覽」，由學生參與策劃和推廣，透過藝術作品、互動展示、心聲角和打氣牆，讓同學重新理解神經多元人士（註：涵意類近SEN，但不完全等同）。展覽不是要學生背熟一堆定義，而是希望大家走近一點，明白身邊有些同學並不是「奇怪」，只是用另一種方式感受世界。

//佢哋唔係想搞亂課堂或麻煩人，只係佢哋有自己嘅需要同表達方法。—何庭軒//

「以前可能有人見到神經多元同學，會覺得佢哋同自己唔同，甚至唔知點同佢哋相處。」何庭軒說，正因為不理解，才容易出現誤會。「其實佢哋唔係想搞亂課堂，亦唔係想麻煩人，只係佢哋有自己嘅需要同表達方法。」他形容，展覽最重要的目的，是讓同學由「知道」變成「明白」。「你知道唔應該笑人，同你真正明白點解唔應該笑人，係兩回事。」他希望同學不只停留在口頭上的尊重，而是在日常生活中懂得多走一步。

展覽其中一部分，介紹學生在面對同學被取笑或誤解時，可以如何幫忙。「好多時大家唔係唔想幫，係唔知點幫。」何庭軒說，有些同學看見別人被嘲笑，可能會害怕自己也被牽連，所以選擇沉默。「但如果我哋有啲方法，例如轉移大家注意力，或者假裝叫嗰位同學幫手，就可以幫佢離開尷尬位。」他認為，這些方法未必很大動作，卻很實際。「唔一定要好英雄式咁企出嚟，有時一個小動作，已經可以令對方冇咁難受。」

心聲角和打氣牆尤其多同學參與。

//做完之後有好強好強好強嘅成就感，覺得呢件事真係好有意義。—王泓軒//

王泓軒參與展覽後，對「共融」有了更深感受。「我一開始參與，其實都有少少私心，想自己學多啲嘢。」他笑言，活動完成後，得到的卻比想像中更多。「做完之後有好強好強好強嘅成就感，覺得呢件事真係好有意義。」他說，自己最深刻的是看到同學在打氣牆上留下鼓勵字句。「有啲說話可能好簡單，例如『加油』、『你做得好好』，但對參與嘅同學嚟講，可能已經係好大支持。」他相信，被看見、被肯定，對神經多元同學尤其重要。

不少同學是在午膳時抽空寫上打氣說話。

【勿流於口號 相處記緊要有耐性】

展覽亦展出自閉症畫家Tony的作品，讓同學從藝術角度認識神經多元人士的能力。「我覺得佢啲畫好有力量。」王泓軒說，過去不少人一提起自閉症，可能先想到困難和限制，但展覽讓大家看到另一面。「佢哋都有好強嘅才能，只係未必成日有機會畀人睇到。」

除了Tony的作品，展覽亦讓不同學生展示自己的強項。有同學擅長畫畫，有同學對音樂特別敏感，也有人記憶力很好。「有啲同學平時可能唔係最出聲，但一到佢擅長嘅地方，就會見到佢好閃亮。」何庭軒說，這正正是展覽想表達的信息。「唔好淨係睇一個人唔擅長啲咩，都要睇佢做到啲咩。」

王泓軒及何庭軒都留意到，展覽後有些同學的態度慢慢改變。「以前可能會覺得某啲同學好難接近，但了解多咗之後，就會知道佢哋唔係故意咁樣，只係表達方式唔同。」他說，共融不是一句口號，而是每天相處時多一點耐性。「你願意聽多一句，等多一陣，其實已經唔同。」

展覽亦展出了自閉症畫家 Tony（圖右） 的作品，讓同學認識神經多元人士的能力。