(大埔北區)環境教育者 與海同行與人連結

從不懂游水的城市女孩，到走進潮間帶、研究鯨鯊、投身海洋教育十多年，Yeungs的故事就如她共同創辦的組織「在山田海Herein Nature」——她選擇「在海」，也選擇與自然同行，與人連結。

唔期望小朋友都變環保鬥士，記得泥灘一兩種生物，已好有意義。—Yeungs

//細個唔識游水，但我已好鍾意睇海、聽浪聲。//

「在山田海」由三位熱愛自然的環境教育者創立，名字寓意「身在其中、心在乎自然」。三人最初於青年中心擔任義工，從社區推廣環保資訊起步，日後正式成立「在山田海」。當中「在山」是Ah Chung、「在田」是Sauman，而「在海」就是今天的主角Yeungs。

「細個唔識游水，但我已好鍾意睇海、聽浪聲，覺得好舒服。」Yeungs自小住在九龍，閒時最愛搭車去馬鞍山海邊靜靜望海。中學時接觸「生態旅遊」，開始走入紅樹林與泥灘，探索潮間帶。「第一次做義工去汀角，本來係照顧小朋友，點知自己睇生物睇到唔捨得走！」那次經歷開啟了她對海洋的好奇心。

觀賞生物，賞心樂事也。

//我哋嘅海底有好多層次分明的生態系統。//

其後，Yeungs修讀台灣國立高雄海洋科技大學海洋生物技術系，並曾遠赴菲律賓參與鯨鯊研究。雖然不諳水性，她仍努力考獲潛水員資格，成為海洋生態導賞員，將對海洋的熱愛化為行動與分享。

「香港三面環海，但好多人的印象，只停留喺沙灘、維港，或者『海水好污糟』。」Yeungs希望打破這種表面的理解。「其實我哋嘅海底非常豐富，唔止有珊瑚、泥灘生物，仲有好多層次分明的生態系統。」

唔識游水，Yeungs仍考獲潛水員資格，並化身海洋導賞員，有時會遇到鯨鯊呢！

//保育唔只係教育，政策、科研、商界資源都缺一不可。//

Yeungs指出，海洋問題與日常生活習慣息息相關。「你飲樽裝水、食海鮮、用塑膠，全部都可能造成污染。再加上氣候變化，海水溫度上升，令潮間帶生物更難生存，例如青口、螺、蟹類，都會受熱浪影響。」

「保育唔只係教育一環，政策、科研、商界資源都缺一不可。」Yeungs希望未來香港能有更多資源推動本地海洋研究、擴大保護區規模、訂立有效發展限制。「唔係靠個別人有環保意識就可以，而係要成個社會一齊郁。」

【走入泥灘觀察生物 小妹妹由怕到投入】

Yeungs多年來投身一線環境教育，常帶學生走入泥灘觀察潮間帶生物，第一課是學會尊重自然。「我會用生活例子講：『今日你係去人哋屋企做客，會唔會搞亂人哋間屋？』咁小朋友就明，唔係唔可以掂生物，而係要有意識咁互動。」她還會帶蟹模型畀佢哋摸，安全之餘又學到知識。

她最深刻的一次經歷，是一對姊妹參加活動的故事。「家姐年年參加，細妹因未夠歲數，只能陪送。第三年終於夠齡報名，興奮極了，但落泥灘時又因姐姐話蟹會鉗人而驚驚哋。我哋慢慢安撫、解釋、陪佢落場，最後佢不但參與，仲主動分享睇Discovery Channel學到嘅知識。」Yeungs說：「我唔期望佢哋變成環保鬥士，只要記得喺泥灘見過一兩種生物，記得自然的模樣，已經好有意義。」

多年來，她走入泥灘、走入課室，帶領學生觀察潮間帶生物，第一課就是學會尊重自然。