聞西──泰式羅望子單骨雞翼 攤凍一下快脆食

為香港人其中一個旅遊熱門地方，曼谷真趁中秋節假期去咗曼谷玩幾日，作係永遠唔會令人失望，今年已經開咗兩個大型商場，不過最吸引我嘅都係按摩同美食，又平又正！好似兩個鐘嘅泰式按摩都係600泰銖咋(港幣140蚊）。至於食嘢，我就最鍾意曼谷嘅街頭小食同路邊檔，尤其喺遊客區好多都開到通宵，所以每次去曼谷都會忍唔住食宵夜㗎。

今次分享一個充滿泰式風味嘅炸雞翼食譜：泰式羅望子單骨雞翼，所謂泰式風味都係離唔開香茅、檸檬葉、辣椒、南薑等嘅香料，其實買一包冬陰功香料已經有齊。醃料就唔少得魚露，今次試吓加入南薑，但南薑比較硬身，用嚟做醃料就要磨成蓉先容易出味，再加埋乾葱頭/蒜頭打成汁隔渣就得。呢個方法用嚟醃其他肉類都得㗎，我今次就無落蒜頭。

唔使擔心醃料水分太多，只要落足夠麵粉，醃料就會乖乖變成脆漿緊緊包住雞翼喇。喺炸雞翼前先炸香料，香料嘅味道會自然融入油裡面，炸嘅時候雞翼就會吸收埋啲香味，而且炸脆咗嘅香料都非常惹味！其實就咁食已經好好味，加埋用泰國羅望子醬做嘅甜酸汁，又有另一番風味。呢個做法有啲似咕嚕肉嘅影子，下次試吓用嚟做咕嚕肉應該都唔錯，寫到呢度我又想再去曼谷喇！

材料：

雞中翼...................600g

香茅.........................2枝

南薑蓉...........約1.5茶匙

檸檬葉....................適量

紅辣椒.....................2隻

乾葱頭................1至2個

水...........................50ml

醃料：

鹽.......................3/4茶匙

魚露......................1茶匙

粟粉......................1湯匙

麵粉.........................80g

甜酸汁：

羅望子醬...............4湯匙

水..........................4湯匙

糖..........................2湯匙

做法：

1. 雞翼用鹽水浸30分鐘去除雪味，再用廚剪順骨接位剪成兩段。南薑磨成蓉後，加入乾葱及水分打成汁隔渣，連同其他醃料加入雞翼拌勻醃至少1個鐘。

2. 香茅及紅椒切片、檸檬葉去除葉梗，用160熱油度將上述香料炸脆，盛起用廚紙吸油備用。

3. 等油溫升至180度，將雞翼炸至金黃脆身。

4. 將甜酸汁材料拌勻後落鑊，再加3湯匙粟粉水慢火加熱，直至芡汁變稠就將雞翼回鑊拌勻，每隻雞翼平均沾上甜酸汁就可以。最後，加入炸脆嘅香料拌碟就完成。

【小提示】

羅望子醬可以喺泰國雜貨人金舖買到，留意每隻牌子嘅酸度都未必一樣，可以先試味再調整糖分。