中風康復媽 向命運說畫筆

譚小萍，中風鬥士、復康學員、和諧粉彩導師、陪診員，也是一位用堅毅與笑容溫暖他人的「生命媽媽」。十一年前，她的人生被一場突如其來的腦中風完全改寫：「嗰陣時我真係痛不欲生，唔係因為身體痛，而係無法接受自己變成咁。」但小萍沒有向命運低頭，她一步步從谷底爬起來，靠堅持、靠畫筆、靠奶奶的「Mum’s Power」。

開 懷 大 笑就 係 我 嘅 宗旨，以笑臉面對問題，冇咩係解決唔到！

生活節奏急促 血壓飆至200多

中風讓小萍的人生急轉直下，曾在燒烤場奔走忙碌的她，因長期生活節奏急促及頻繁應酬，未察覺血壓飆升至二百多，終於在某天突然倒下。醫生形容她「好似帶住個計時炸彈咁出街」。中風後，她右眼失明，右邊手腳幾乎癱瘓，初期甚至要以束帶固定雙手，避免無意識搲傷傷口。從前獨立自主的她，一度連上下樓梯都需靠姑娘攙扶，重新學習生活的每一步。

機構外展助重建肌力

//我喊咗出嚟，成個人衝出去搵人講：我做到啦！//

中風的黃金復康期是頭半年，但小萍頭五年進展緩慢。直到五年前，她接觸到「懷智」的外展復康服務，由治療師陪伴重練，從最基本的抬高手開始，一步一步重新建立肌力與信心。就在短短兩個月內，她終於做到一件意義非凡的小事——自己紮番條辮。「我喊咗出嚟，成個人衝出去搵人講：我做到啦！」那一刻，她知道，自己正走在一條有希望的路上。

就算過咗黃金復康期，小萍全憑堅持同努力，活出人生新一章。

疫情遙距復康 幫姑娘set裝備

未幾，疫情來襲，社區復康服務受阻。小萍並沒有停下步伐，反而成為首批響應遙距復康訓練的院友。「我第一個舉手話想試Zoom復康，姑娘未必識設定，我就幫手搞Wi-Fi、裝鏡頭、設置iPad。」她不但自我堅持，還推動其他院友一同運動。「我話：你做運動啦，數到一百，我自己都練大腿小腿。有人企唔穩，我就話坐住都要做。」

手不穩仍繪出生命色彩

//畫得靚唔靚唔緊要，最重要係你肯落手去畫。//

右手仍不靈活，但小萍堅持單手繪畫。她學會了「和諧粉彩」並成為導師，在元朗中學、大會堂、院舍等地授課，用藝術分享療愈力量。「畫得靚唔靚唔緊要，最重要係你肯落手去畫。」她曾創作《人生百態》，用不同面部表情記錄人生風景。「開懷大笑就係我嘅宗旨，以笑臉面對問題，冇咩係解決唔到！」她不單用畫筆自我療愈，更用笑容和作品感染身邊每一位學生與院友。

不單用畫筆自我療愈，更用笑容和作品感染身邊的人。

Mother Tone陪診員 提醒注意健康很直接

「人不能沒有要求，否則就如同行屍走肉。我唔想咁樣活。」從過去需要被照顧的中風病人，小萍現時以陪診員的身份主動走入社區，回饋一路支持她的社會，實踐「助人自助」的精神。對於外界目光，她一笑置之：「人哋望我，我無法阻止。但我唔會當係歧視，可能佢哋只係好奇、甚至欣賞。」

小萍陪伴長者與行動不便的街坊覆診、覆藥，有時還要應付情緒起伏的個案。「最難帶住『紅精靈』，佢真係嘈到不得了……但總之佢哋無助，我咪幫佢囉！」小萍的角色，不單是陪伴者，更像社區裡的一位「街坊媽媽」：細心、直接，總會用最實際的方法提醒人注意健康。「我見到人哋大肚腩，就會話：快啲郁吓啦！做運動就係我嘅動力。」

誓不低頭，KO難題擊中目標，取得人生分數。

【生活火熱動感啦啦啦 歸功奶奶奶奶】

講到支撐她走過低谷的力量，來自於奶奶的「Mum’s Power」。中風初期，奶奶每日探病從不間斷，讓她備受感動。至今，她仍會約奶奶飲茶、逛街、買衫。「奶奶今日送咗頂帽畀我，等陣戴俾你睇！」她笑得像個小朋友，眼神閃亮。

學會「和諧粉彩」做導師，到中學授課。

小萍話，比起以前寫大字，依家啲字都係差啲。

紮得返條辮，就是踏上成功之路起點。

一筆復一筆，將正能量貫注於紙上。