(大埔北區)排骨味濃 人情更濃 滬菜小店謝謝儂

「休息係為咗行更長嘅路。」一句簡單的告別，盛載了十七年的汗水與笑聲。位於馬鞍山的滬菜老店「三哥廚房」，老闆娘「三嫂」近日於網上宣布4月底將暫別休息，消息一出，引來無數街坊與舊客留言不捨。從粉嶺聯和墟到馬鞍山，這對夫妻檔用一雙手、一份堅持，煮出不只是上海菜的味道，更是一段段跨越世代的人情故事。

雖然我哋嘅關係可能只係食客同食店，但嗰種人情味係令我好感動。 —三嫂

在粉嶺聯和墟起步

回想2009年，三嫂與丈夫在朋友介紹下，得知粉嶺聯和墟有一個無需頂手費、只付租金的細舖位。「間嘢規模好細，得兩張圓枱，似外賣檔。」三嫂憶述，當時資金不多，但心想：「既然天畀咗一次機會我，就想把握吓。覺得自己仲年輕，就算唔成功，都仲有時間出返嚟做嘢。」

//我哋當初連叫貨都唔識，靠經驗累積慢慢學。//

然而，創業之路絕不平坦。二人從未做過生意，人手緊絀，所有事靠一雙手。「我哋連叫貨都唔識，靠經驗累積慢慢學。」最難忘的一次，二人做到凌晨仍未能收工，丈夫叫她先回家。「嗰一刻我個心同我講，我唔想佢咁辛苦。」後來，他們轉到馬鞍山發展。

三嫂認為，粉嶺與馬鞍山的街坊同樣友善、容易熟落。「食幾次，傾吓偈，就好快由街坊變朋友。」她分享了一個深刻故事：當年女兒發燒，她卻忙得無法抽身帶她看醫生。一位常到粉嶺店光顧的熟客，本身也是兩女之母，二話不說主動帶她女兒求診。「我真係好感激佢！」這位客人後來也搬到馬鞍山，繼續支持他們，由粉嶺時期至今，從未間斷。

小店的「大總管」，大小事務一腳踢。

熟客移民前專程道別

很多學生和街坊稱「三哥廚房」是他們的「美好回憶」。三嫂最感動的，是有些熟客移民前專程道別，大家不捨地合照。更難得的是，他們每年暑假回港，都會特意前來探訪。「雖然我哋嘅關係可能只係食客同食店，但嗰種人情味係令我好感動。」

//我哋對排骨嘅厚薄好講究，工序好多。//

談到招牌菜，三嫂首推排骨。「我哋對佢嘅厚薄好講究，工序好多，得來不易。」此外，雲吞、水餃、春卷全部自家包製，廚房大部分出品都不是現成貨。這份對食物的認真與執著，正是丈夫即使面對廚房四、五十度高溫、五個火爐加一個幾百度湯煲，仍然堅持的原因。

對三嫂而言，經營小店最快樂的，除了賺到錢，更有一種滿足感。「同客人溝通，由客人變成朋友，呢啲係好真摯嘅嘢。就算做到好攰，我都會好開心。」曾有客人專程給貼士，她感動的不是金錢，而是客人對食物與服務的認同。

除了受歡迎的排骨，雲吞擔擔麵也有不少捧場客。

【未來動向】

或開網店賣冷藏食物

對於未來，三嫂計劃先休息、去旅行、做運動。「年紀都唔細啦，為咗健康，一定要做。」她更希望做義工，幫助有需要的人。至於會否重開，她沒有排除任何可能：「休息咗一年之後可能會覺得好悶，又會出返嚟做嘢都未定。」她甚至構思以網上形式售賣食品或冷藏食物，跟隨潮流嘗試網購。

訪問尾聲，三嫂想對多年支持的顧客說：「多謝你哋17年前由粉嶺聯和墟到馬鞍山嘅客人，一直以嚟嘅捧場。多謝你哋有啲由學生到而家組織家庭成為父親母親，依然繼續帶你哋嘅小朋友過嚟我哋呢度食嘢。呢份人情味，記得一定要繼續留意我Instagram嘅動向！」

常客何氏家庭與三嫂留影紀念